दोलखाको ढोली खोला नजिकै एक पुरुष मृत अवस्थामा फेला
अनलाइनखबर पाटी २४ चैत्र २०७६, सोमबारचैत्र – २४, दोलखा | दोलखाको तामाकोशी गाउँपालिका वडा नम्बर १ ढोली खोला नजिकै एक पुरुष मृत अवस्थामा फेला परेका छन् ।
भिरकोट स्थित माझिगाउँका ३५ वर्षिया राजकुमार माझीको शव फेला परेको हो । आइतबार अपरान्ह १२ बजे तिर नुहाउन भनि तामाकोशी नदिमा घरबाट निस्केका माझी राति सम्म घर नफर्के पछि परिवारले प्रहरीमा खबर गरेका थिए ।
प्रहरी, आफन्त र स्थानीयवासीले तामाकोशी नदि आसपास खोजी गर्ने क्रममा ढोली खोला नजिकै राति करिव ९ बजे शव भेटिएको प्रहरी प्रवक्ता प्रहरी निरीक्षक रेशम बोहराले जानकारी दिनुभयो । मृतक माझी क्षयरोगी समेत रहेको खुलेको छ । नुहाउन भनि घरबाट निस्केका माझी पौडी खेल्ने क्रममा तामाकोशी नदिले बगाएको हुन सक्ने प्रहरीले अनुमान गरेको छ ।
खोजतलासका लागी हिजो गएका प्रहरी टोली घटनास्थलमै रहेको र प्रारम्भिक कार्य सम्पन्न भएपश्चात शव पोष्टमार्टमका लागी चरिकोट स्थित शव गृह ल्याइनेछ ।
Leave a Reply