कोरोना संक्रमित थप तीन जनाको मृत्युसंगै हालसम्म ७३ जनाको निधन
अनलाइनखबर पाटी २४ श्रावण २०७७, शनिबार
साउन २४ काठमाडौँ | कोरोना संक्रमित थप तीन जनाको निधन भएको छ । यो समेत नेपालमा कोरोना संक्रमणबाट मृत्यु हुनेको संख्या ७३ पुगेको स्वास्थ्य तथा जनसंख्या मन्त्रालयले जनाएको छ ।
मृत्यु हुनेमा पर्सा जिल्ला वीरगन्ज महानगरपालिका ३ का ७४ वर्षीय पुरुष, मोरङको विराटनगर महानगरपालिका ९ बस्ने ५८ वर्षीय पुरुष र काठमाडौंको टोखा ६ की ४१ वर्षीया महिला छन् ।
उनीहरुको उपचारको क्रममा शुक्रबार निधन भएको हो । वीरगन्जका पुरुष मधुमेह र दमको बिरामी भएको मन्त्रालयका प्रवक्त डा जागेश्वर गौतमले बताए । उनको गण्डक कोभिड अस्पतालमा उपचारको क्रममा निधन भएको हो ।
विराटनगरका ५८ वर्षीय पुरुष उच्च रक्तचापका बिरामी थिए । उनमा ज्वरो, स्वासप्रश्वासमा समस्या भएपछि कोसी अस्पतालमा भर्ना गरिएको थियो । उपचारकै क्रममा उनको पनि निधन भएको हो । टोखाकी महिलाको उपचारको क्रममा पाटन अस्पतालमा निधन भएको गौतमले बताए ।
Leave a Reply