सिम्रिक एयरको हेलिकोप्टर संखुवासभामा दुर्घटना
अनलाइनखबर पाटी २२ बैशाख २०८०, शुक्रबार
बैशाख २२ संखुवासभा । संखुवासभामा सिम्रिक एयरको हेलिकोप्टर दुर्घटनामा परेको छ । जिल्लाको भाेटखाेला गाउँपालिकामा अरुण तेस्रोको सामान बोकेको हेलिकोप्टर दुर्घटनामा परेको हो ।
संखुवासभा विमानस्थल प्रमुख भानु कोइरालाका अनुसार, शुक्रबार दिउँसो १ बजेतिर हेलिकप्टर दुर्घटनामा परेको हो । प्रमुख कोइरालाले दुर्घटनामा मानवीय क्षति नभएको बताए । उद्धारका लागि केही बेरअघि सैनिक खाँदबारीबाट हेलिकप्टर पठाइएको उनले जानकारी दिए ।
दुर्घटनाको विस्तृत विवरण आउन बाँकी रहेको जिल्ला प्रहरी कार्यालय संखुवासभाका डीएसपी वीरेन्द्र गाेदारले जानकारी दिए ।
Leave a Reply